Compilatiecorpus Historisch Nederlands 1.0 (CHN): ambtelijke teksten 1250-1800: gouda_1366_1

<begin>
WJ Jan Stoue Vrederic dyuel Ende Jan mouwen soen Scepene binnen der goude orkonden ende kennen
</begin>
<main>
dat quam voer ons Voppe harmans wysen soen Ende lyede dat hi scoudich is Jacob pieters soen Een pont hollants buerse ghelts Jaers an renten Eewelyken durende op ziin huus ende erue dat hi staende heeft teynden der keysers straet Ende beleghen hebben met eruen dammaes Reymmoeden soen op die west zyde ende Jan van berckoude op die oest zyde Alle Jaer te betalen opten pijnster dach met ghelde of met panden alse recht is van erfrenten
</main>
<end>
Inkennessen der waerheyt soe hebben wi Scepene voerscreven desen brief bezeghelt met onsen zeghelen Ghegheuen opten sesten dach in september Jnt Jaer ons heren dusent drie hondert zes ende tsestich
</end>