Compilatiecorpus Historisch Nederlands 1.0 (CHN): ambtelijke teksten 1250-1800: gouda_1367_1

<begin>
WJ Jan clais soen reynout henrix soen Ende dirc gherets soen Scepen binnen der goude orkonden ende kennen
</begin>
<main>
dat quam voer ons symon messen soen ende lyede dat hi sculdich Js mouweriin willems soen een pont hollants buerzeghelts Jaers an renten ewelike durende op ziin hws ende erue daer hi nv ter tyd Jn woent Jnde keysers strate ende beleghen hebben mit erven mouweriin voerseit ande zwtzide ende fye voppen andie noirtzide alle Jaer te betalen die een helft op alreheylighen dach ende die ander helft op den meye dach mit ghelde of mit panden alse recht Js van erfrenten
</main>
<end>
In kennessen der waerheyt so hebben wj Scepen voerseit desen brief beseghelt mit onsen zeghelen ghegheven opden neghenthyenden dach Jn aprelle Jnt Jaer ons heren m ccc seuen ende tsestich
</end>