Compilatiecorpus Historisch Nederlands 1.0 (CHN): ambtelijke teksten 1250-1800: gouda_1367_2

<begin>
WJ Ghysbrecht van dobben Jacop clais soen ende dirc gherets soen Scepen binnen der goude orkonden ende kennen
</begin>
<main>
dat quam voer ons ocker dircs soen ende lyede dat hi sculdich Js brwn clais soen een pont hollants buerzeghelts Jaers an renten ewelike duerende op sijn huus ende erve aldaer hi nv ter tijt in woent Jnde coninx strate ende beleghen hebben mit erven dirc nanne ende die steghe ande noirtzide ende dirc roemers swaghers kinder ande zwtzide ende die mandemaker asef ande westzide alle Jare te betalen op sinte symon Juden dach mit ghelde of mit panden alse recht Js van erfrenten
</main>
<end>
Jn kennessen der waerheyt bezeghelt mit onsen zeghelen ghegheven des donredaghes na der elf dusent maghede dach Jnt Jaer ons heren m ccc seuen ende tsestich
</end>