Compilatiecorpus Historisch Nederlands 1.0 (CHN): ambtelijke teksten 1250-1800: gouda_1369_2

<begin>
Wj jan clais soen Ende dirc die poerter Scepen binnen der goude orkonden ende kennen
</begin>
<main>
dat quam voer ons Jan pieters soen die scoemaker ende lyede dat hi sculdich js jan ghysbrechts soen een pont hollants buersghelts jaers an Renten ewelike durende op ziin hws ende erue dat hi heeft jn hontscoep ende beleghen hebben mit erue mariin de brouwer opde westzide ende alyt pieter hobben soens dochter opde oestzide alle jare te betalen op Sinte jacobs dach mit ghelde of mit panden alse recht Js van erfrenten
</main>
<end>
jn kennessen der waerheyt bezeghelt mit onsen zeghelen ghegheuen des zaterdaghes na Sinte jacobs dach jnt jaer ons heren m ccc neghen ende tsestich
</end>