Compilatiecorpus Historisch Nederlands 1.0 (CHN): ambtelijke teksten 1250-1800: gouda_1382_2

<begin>
Wj Wiliam allaerts soen Dirc die poerter en dirc florens soen scepene binnen der goude orkonden en kennen
</begin>
<main>
dat quam voer ons meselinen dochter met horen rechten voecht ende lyede dat zi sculdich is ghiisbrecht Jans soen dertich scellinghe hollants buerseghelts tsiaers an renten eweliken [durende] op haer huus ende erue dat zi nv ter tiit bewoent in groenedale Ende beleghen hebben met erue Dirc heinrix soen op die oestzide ende [traueyse] [heinrix] soen op die Westzide alle jaer te betalen op Sinte Jacobs dach met ghelde of met pande alse recht is van Erfrenten Ende met desen brieue Js ghedoet enen ouden scepenbrief van Jaerlixen renten die ghemaect was des donredaghes na Sinte katrinen dach Jnt iaer van neghen ende tsestighen also dat dese brief macht hebben zal vanden datum voerseit
</main>
<end>
Jn kennessen der waerheit beseghelt met Onsen seghelen Ghegheven des manendaghes na Sinte martiins dach translatio Jnt iaer ons heren dusent ccc twee ende thachtich
</end>