Compilatiecorpus Historisch Nederlands 1.0 (CHN): ambtelijke teksten 1250-1800: gouda_1382_3

<begin>
Wj Jan allerts soen hughe scoters soen Ende Jan iacobs soen Scepene binnen der goude orkonden Ende kennen
</begin>
<main>
dat quam voer ons ghiisebrecht gcheriits soen ende lyede dat hi sculdich js matthiis Jans soen vier pont hollants buerzeghelts tsiaers an renten ewelik duerende op ziin driedeel van den hwse ende erve dat gheleghen js op die westzide van den haven Ende beleghen hebben mit erve Jacob hermans soen an die noertzide ende zoete heinric Jans soens an die zwtzide alle jaer te betalen op alre heylighen dach mit ghelde of mit panden alse recht js van erfrenten Ende dese voerscreven rente roeren van den coope van den halven huse ende erve [voerscreven]
</main>
<end>
Jnkennessen der waerheit bezeghelt mit onzen zeghelen Ghegheuen des saterdaghes na sinte Willeborts dach Jnt Jaer ons heren m ccc twe ende thachtich
</end>