Compilatiecorpus Historisch Nederlands 1.0 (CHN): ambtelijke teksten 1250-1800: gouda_1383_2

<begin>
Wj Diirc kerstants soen brwn claes soen Ende Jans claes soen Scepene binnen der goude orkonden ende kennen
</begin>
<main>
dat quam voer ons Willam Jucken soen Ende lyede dat hi sculdich js Claes brwns soen vier pont hollants buerzeghelts tsjaers an renten Eewelike duerende op Siin hws ende erve dat hi nv ter tijd bewoent an dat [Wijstrate] Ende beleghen hebben met erven griete aernds Jonghen wedue an die zwtzide Ende katheriin claes backers wedue an die noertzide alle Jaer te betalen deen helfte op den kersavond Ende dandere helfte op Sente Jans dach te midde somere met ghelde of met panden alse recht js van Erfrenten
</main>
<end>
Jn kennessen der waerheit bezeghelt met onsen zeghele Ghegheven des dinxdaghes na Sente martiins dach translacio Jnt jaer ons heren m ccc drie ende thachtich
</end>