Compilatiecorpus Historisch Nederlands 1.0 (CHN): ambtelijke teksten 1250-1800: gouda_1383_4

<begin>
WJ Costiin Jelys soen Jan dyrcx soen Ende dyrc kerstants soen Scepene binnen der goude orkonden ende kennen
</begin>
<main>
dat quamen voer ons Lysbet jan die zeelanders wedue Ende Jan ende Griete [haerre] twee kinderen die zi bi Jan die zeelander hadde met hueren voechden Ende lyeden dat zi sculdich ziin ghesamenderhant ende onghesceyden goeswiin voppen soen derthien scellinghe ende vier penningen hollants buerseghelts tsiaers an Renten Eewelike duerende op dat hws ende erve dat zi nu ter tyd bewonen bider ouders scwthers doelen [afterwarts] streckende an pieter jans soens erve Ende beleghen hebben met erven aechte claes an die westzide Ende delyaen hughen an die oestzide alle Jaer tebetalen deen helfte op alre [gods] heylichen dach Ende die ander helfte opden meye dach met ghelde of met panden alse Recht Js van ErfRenten
</main>
<end>
Inkennessen der waerheit beseghelt met onsen zeghelen ghegheven des saterdaghes na onser vrouwen dach natiuitas Jnt Jaer ons heren m ccc drie ende thachtich
</end>