Compilatiecorpus Historisch Nederlands 1.0 (CHN): ambtelijke teksten 1250-1800: gouda_1384_1

<begin>
WJ mathijs claes soon Enghebrecht gherijts soen Ende helmer gherijts soen Scepene binnen der goude orkonden ende kennen
</begin>
<main>
dat quam voer ons reynoud jans soen Ende lyede dat hi sculdich Js Jan gijsbrechts soen Een pont hollants buerseghelts tsiaers an Renten Ewelike duerende op Siin hws ende erue dat hi nv ter tijd bewoent Jn die Vogelenzanc Ende beleghen hebben mit erven hugheman springhers soen an die noertzide Ende Jan beers soen an die zwtzide alle jaer te betalen op den meyedach mit ghelde of mit panden alse Recht Js van Erfrenten
</main>
<end>
Jn kennessen der waerheit beseghelt mit onsen seghele Ghegheuen op den twintichsten dach Jn meye Jnt Jaer ons heren m ccc vier ende tachtich
</end>