Compilatiecorpus Historisch Nederlands 1.0 (CHN): ambtelijke teksten 1250-1800: gouda_1385_2

<begin>
Wj Jan dijrcx soen Reynoud heynricx soen Ende haghen hermans soen Scepene binnen der goude orkonden ende kennen
</begin>
<main>
dat quam voer ons lauwe Jacobs soen Ende lyede dat hi sculdich js aernd claes soen van den Run vijfthien scellinghe hollants buersegelts tsiaers an renten Eewelik duerende op drie Roeden Erfs die hi jeghen heyn pieters soen verpacht heeft ende ghelegen siin jn jacob Waeysers soens steghe ende hebben beleghen mit erven heyn pieters soen an die oestsijde Ende der stede waterscap mitten raemwech an die Westzijde Ende zwtwaerts aen streckende an coliins Erfnamens hofstede alle jaer te betalen op den meye dach mit ghelde of mit panden alse recht js van Erfrenten
</main>
<end>
Jnkennessen der waerheit beseghelt mit onsen seghelen Ghegheven des manendaghes na Sinte pieters dach ad vincula Jnt Jaer ons heren m ccc vijf ende tachtich
</end>