Compilatiecorpus Historisch Nederlands 1.0 (CHN): ambtelijke teksten 1250-1800: gouda_1390_1

<begin>
WJ Scoud borghmeysters Scepen Ende raed der Stede vanden goude maken kond Ende kenlic allen luden
</begin>
<main>
dat wij vercoft hebben van onser stede weghen bi rade onser ghemeense vroedscap dijn noten twee ende twintich scellinghe hollants buerseghelts an jaerlixen renten sprekende op gherijd die vroeden hvvs ende erve dat hi nv ter tijd bewoent opdie goude dat aechte haermans plach te wesen tusschen meeus jans soens Ende berghers strate mitter stede waterscap in allen rechte Ende vorwaerden alsse die stede voerscreven daer op heeft Ende hoer boet of begrepen heeft Ende belyen ons hier af wel betaelt vander stede weghen den lesten penninc mitten Eersten alle jaer te betalen op alreheylijghen dach mit ghelde of mit panden alse recht es vander stede Erfrenten alle dinc sonder arghelist
</main>
<end>
jnkennessen der waerheit So hebben wij Scoud borghmeysters Scepen Ende raed der stede voerscreven desen brief beseghelt mit onser stede seghel Ghegheven op onser vrouwen dach te lichtmisse jnt jaer ons heren m ccc Ende tneghentich
</end>