Compilatiecorpus Historisch Nederlands 1.0 (CHN): ambtelijke teksten 1250-1800: gouda_1391_1

<begin>
WJ dyrc kerstants soen Jacob Jans soen ende dyrc Jans soen Scepene binnen der goude orkonden ende kennen
</begin>
<main>
dat quam voer ons Andries Maertijns soen ende liede dat hi sculdich is dyrc springher derthien scellinghe hollants buerseghelts tsiaers an renten eewelike duerende op drie roeden erfs lant van sinen hwse afterwaerts dat hi nv ter tijd staende heeft Jn de vlaeymyncx strate ende derdalf roede ende anderhalfnen roede voete breet dat beleghen hebben mit erven Jacob Jans soen an die westzide ende dyrc springher selue an die oestzide alle Jaer tebetalen op zinte pieters dach in zulle mit ghelde of mit panden alse recht is van erfrenten
</main>
<end>
In kennessen der waerheit bezeghelt mit onsen zeghelen ghegheven des sonnendaghes na onser vrouwen dach conceptio Jnt Jaer ons heren m ccc een ende tneghentich
</end>