Compilatiecorpus Historisch Nederlands 1.0 (CHN): ambtelijke teksten 1250-1800: gouda_1392_1

<begin>
Wj Jacob Vrericx soen Willam dapper ende Jorijs zwijmers Scepene binnen der goude orkonden ende kennen
</begin>
<main>
dat quam voer ons jacob claes soen ende liede dat hi sculdich is jan rose louwerijs soen elf scellinghe hollants buerseghelts tsiaers an renten Eewelike duerende op ziin hws ende erve dat hi nv ter tijd staende heeft in blinde betten steghe ende hebben beleghen mit erven ijsbrant aernds soen an die westzide ende der stede waterscap an die oestzide alle jaer tebetalen op zinte pieters dach in zulle mit ghelde of mit panden alse recht is van erfrenten
</main>
<end>
Jnkennessen der waerheit bezeghelt mit onsen zeghelen ghegheven des dinxdaghes na zinte valentijns dach Jnt Jaer ons heren m ccc twe ende tneghentich
</end>