Compilatiecorpus Historisch Nederlands 1.0 (CHN): ambtelijke teksten 1250-1800: gouda_1465_2

<begin>
Noch upten voerscr dach van den XXVIII dagen in Meye anno LXV soe worde overdragen mitter vroescap
</begin>
<main>
dat nyement gheen nyeuwe huysen en tymmere binnen der stede van der Goude zy en decken se mit harden daeck up de voirscr boeten van vijf tronen ende dieghene die hair tegelen offgebroken hebben van hoir huyssen ende mit weken dack weder gedect hebben dat zy dat weder mit harden dack decken tusschen dit ende Goude kermisse dach upte boeten van thien pont
</main>
<end>
</end>