Compilatiecorpus Historisch Nederlands 1.0 (CHN): ambtelijke teksten 1250-1800: gouda_1465_5

<begin>
Int jair van LXV soe is overdragen by de gemeen vroescap van der stede ende deden gebieden
</begin>
<main>
dat men van nu voirtan nyement gheen renten vercopen en sal binnen der vryheyt van der stede men sal se mogen lossenen den pennijnck om sesthien tot wat tyden dattet yement belieft ende als dan den eygen de renten gelost heeft soe sal men den brieff scoren ende daerenteynden doot ende niet wesen ende oick niet houden tot ghenen dagen after dien dach dat hy gelost is Ende nyeuwe rentenbrieven die men wint uut sculdenbrieff off uut oude rentenbrieff die sal men mede mogen lossen den pennnijck voir zestien
</main>
<end>
</end>