Compilatiecorpus Historisch Nederlands 1.0 (CHN): ambtelijke teksten 1250-1800: gouda_1465_6

<begin>
Noch soe wordt overdragen mitter vroescap
</begin>
<main>
soe wat brieven dat vercoft ende verhandelt worden in anderen handen dan sy nu ter tijt sijn soe sal alsdan denghenen die den brieff vercoopt gehouden wesen den eygen te kennen te geven ende daer soe sal dengheenen die in den eygen van den huyse is dair den brieff up sprect ende ouder sijn gemaect voir tjair van LX dien brieff mogen hebben binnen tsjaers voir alsulcken pennijnck als die gecoft is ende mitten verschenen renten Ende wair dat sake dat den eygen beliefde soe sal hy den anderen ten eede mogen setten dat die coep rechtvaerdelicken geschiet is geweest Ende tot wat tyden den eygen eenige renten gelost sal hebben soe sel hy terstont dien brieff scoren ende sal after dien dach doot wesen ende niet houden tot gheender tijt behoudelick dat alle renten die bestorven an den kinderen ofte die erffgenamen mogen sijn sullen hieroff ongehouden wesen
</main>
<end>
</end>