Compilatiecorpus Historisch Nederlands 1.0 (CHN): ambtelijke teksten 1250-1800: gouda_1529_2

<begin>
</begin>
<main>
Item is mede den vroetscopt verthoent dordonnancie van de gerechtecamer ende tloot van dien te geven ende alsoe men noetelicken sal moeten vergaederen den gerechte nae middach omme justicie tadministreren ende die te vorderen daertoe die van de gerechte soe lange tijt nae middach doen sullen gelick zy voir middach doen is daeromme gevraecht off men die voirsz gerechte van de vergaederinghe nae die middach mede sal loot toevougen gelick tselve voir die middach doet Waerup is gesloeten dat men die van de gerechte sal tloot geven nae middach als zy vergaederen ende dat uuyt die profyten van den boeten ende soeverde die strecken sullen moegen Ende wes die voirsz boeten nyet en moegen strecken daeroff zullen zy paciencie nemen ende Goots loen voir hebben
</main>
<end>
</end>