Compilatiecorpus Historisch Nederlands 1.0 (CHN): ambtelijke teksten 1250-1800: gouda_1531_2

<begin>
Upten XXVIIen dach in Januario anno XXXI is de vroetscop geopent
</begin>
<main>
of men soude willen ordonneren dat die tresoriers die men nu nae ouden haircomen eligeren sal sullen mede gecommitteert wesen tot den geheele ontfanck ende uuytgeven van dit toecomende jair beghinnende Vroulichmist toecomende in sulcken mannieren dat die tresoriers van XXX sullen allen hoeren sculden inmanen ende die penningen daerof comende leveren dat voirsz cantoir van XXXI die gehouden sullen wesen eenen yegelicke rentier eens zijn rente te betalen tsjaers Is mede geopent of men die tresoriers wil ordonneren tot den ontfanck van der stede exchysen mits dat men hemluyden byvoughen soude noch een bequaem persoen in den voirsz exchijs gheen tresorier wesende Ende is noch mede geopent alsoe men noettelicken an die stede goeden repareren ende tymmeren moet of men daertoe sal willen ordonneren een tymmermeester die toesich up die voirsz tymmeraeghe ende dat daeraen cleven mach hebben sal Waerup is gesloeten dat men bliven sal by toude haircomen van den tresoriersofficie ende tselve officie nyet meer te belasten Ende roerende die stede tymmeraeghen dat die tresoriers daerup letten sullen om een goet man te kiesen die sy den gerechte overleveren sullen omme by die van den gerechte ende hemluyden denzelven taccepteren met alsulche ordonnancie als behoeren sal die stede oirbaerlicxste te wesen
</main>
<end>
</end>