Compilatiecorpus Historisch Nederlands 1.0 (CHN): ambtelijke teksten 1250-1800: gouda_1564_2

<begin>
Ten zelven daghe es die gemeen vroetschap te kennen gegeven
</begin>
<main>
hoe dat mijn heeren die burgemeesters deser stede geraempt hebben ende aengegeven die tresoriers fabrijckmeesters een zeker concept twelck wesen zoude grootelicx tot prouffijt deser stede verclarende tselfde hemluyden niet aen te gaen directelick ofte indirectelick ende beducht zijnde waert saicke dat men tselfde concept openbaerde alhier ter vroetschap dattet onderweechs zoude blyven ende niet zoe secreet alst wel zoude behoiren Ende gemerct tselfde niet en mach geschien zonder expres consent van de vroetschap achtervolgende die nieuwe ordonnancie zoe es ommegevraecht off men hemluyden tselfde zoude willen betrouwen Daarom es mijn heeren voersz gegeven volcomen last ende consent omme daerinne te doen naer vermoghen heurluyder conscientie tot oerbaer ende prouffijt deser stede zoe ende dat behoirt
</main>
<end>
</end>