Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1347_1

<begin>
Wj jan van zaenden willaems zoen Ende jan goeswiins zoen scepene in hairlem orconden
</begin>
<main>
dat agniese byatriis dochter met hoers monbaers hant voer ons gaf tot enen vrien eyghen den nvwen gasthuse tot hairlem elf scellinghe siairs des zel wesen twie scellinghe siairs op euers huijs ende erue van den houte legghende ende staende twischen stephaen jans zoen ende pieter van den bosche twie scellinghe siairs op dirc voeghelaers huijs ende erue legghende ende staende twischen lizebeth wouters dochter ende der porte erue drie scellinghe siaers op willaems van scoten jans zoens ende op camphughen erue dat gheleghen is twischen dien erue dat clais van catse rumede metter doit ende gerete tentemakers erue Ende vier scellinghe siairs op gheriid zoens huijs ende erue legghende ende staende twischen gheriid jan coppeciaens zoen ende gheer truijd vustiaens
</main>
<end>
jn Orconde desen brieue bizeghelt met onsen zeghelen jnt jair ons heren mccc zeuen ende viertich des woensdaghes na sinte mathiis daghe
</end>