Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1348_2

<begin>
Wij gheriid van bekensteyne ende jan houe scepene in haerlem Oerconden
</begin>
<main>
dat voer ons quam willaem jans zoen van zaenden Ende op gaf tot enen vrien eyghen den nuwen gasthuse te haerlem een pond siaers des zel wesen vier scelinghe ende zes penninghe siaers op dirc allaerts zoens huus ende erue legghende ende staende twischen haeskiin hughen ende der steghe vier scellinghe ende zes penninghe siaers op haeskiin hughen huus ende erue legghende ende staende tvischen jan jan wielemakers zoen ende dirc allaerts zoen voerscreuen twaelf penninghe siaers op katrine helten huus ende erue legghende ende staende twischen dirc allaerts zoen voernoemt ende trudekiin shoeserchen vief scelinghe siaers op aernd damas zoens er ue van spaerne ende voerscreuen gasthuus waerde vier scellinghe siaers op clays jans zoens erue legghende twischen der chgrauin ende aernd damas zoen ende twaelf penninghe siaers op hainc janyen zoens zoens huus ende erue legghende ende staende twischen walich roelofs zoen ende clays valken ende dese voerscreuen renten zellen ewelike bliuen den voerscreuen nuwen gasthuse die arme mede te lauen ende vercopen
</main>
<end>
in Oerconde desen brieue bizeghelt met onsen zeghelen jnt jaer ons heren mccc acht ende viertich des vridaghes na onser vrouwen daghe assumptio
</end>