Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1354_1

<begin>
Wi willaem van scoten jans zoen ende jacob hachen scepene in haerlem oerconden
</begin>
<main>
dat voir ons quam arent pieters zoen [ende] [verlyede] dat hi ghe huret heft tot erfhure jeghens des gasthuus myesters van haerlem vans gasthuus weghen dat erue dat gheleghen is twischen jan sconaert ende wouter beydekiins zoen om viif ende twintich scellinghe siaers jaerlix te bitalen tot bamisse an paymente den vlaemschen groten gherekent voir achte penninghe
</main>
<end>
in oerconde desen brieue bizeghelt met onsen zeghelen int jaer ons heren mccc vier ende viiftich op sinte gregorius dach
</end>