Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1368_1

<begin>
Wj dirc die blote ende Ghisebrecht hobben soen scepene in haerlem oirconden
</begin>
<main>
dat voer ons quam Gheriit pieters soen die waterlagher ende verliede dat hi vercoft heeft gheriit den zeelander dertich scellinghe siaers op siin huus ende op siin erfmolen metten eruen legghende ende staende in die ziilstrate twisschen Eueraert van dyemen ende den erue dat gheriit littelmans plach te wesen Jaerlix te betalen tot bamisse an paymente daer men tot elken termine bier ende broot mede copen zel Ende verliede al betaelt den lesten penning met den eersten Ende heeft hem gheloeft te waren als men vrye renten binnen der vryhede van haerlem sculdich es te waren
</main>
<end>
Jn oirconde desen brieve bezeghelt met onsen zeghelen jnt iaer ons heren mccc acht ende tsestich op den dertyenen dach
</end>