Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1372_1

<begin>
Wi Aelbrecht van scoten ende claes florens zoen scepene in haerlem oirconden
</begin>
<main>
dat voir ons quamen gheertruut jan honen wedue met willaem den weent willaems zoen horen mombaer willaem van adrichem baertout hoon florens hoon gheriit hoon Jan hoon ende claes van adrichom haer kindere ende op gauen tot enen vryen eyghen machtelt hughe roepers wiif was ende haren kinderen twee morghen lants vier hond ende viif ende tseuentich gaerden legghende in den ban van hodenpiil int land dat gheheten is die hoeve van brederode Ende verlieden al betaelt den lesten penninc metten eersten hebben se machtelde voirscreuen ende haren kinderen gheloeft te waren als men vry erue sculdich is te waren in den ban daer dat voirscreuen lant in gheleghen is
</main>
<end>
In oirconde desen brieue bezeghelt met onsen zeghelen jnt iaer ons heren mccc ende twee tseuentich op sinte Elizabets dach
</end>