Lijst

Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1373_1

<begin>
Wi Aelbrecht van scoten Ende claes florens zoen scepene in haerlem oirconden
</begin>
<main>
dat voir ons quam claes die wale die weuer ende gheliede dat hi ghehuert heeft tot erfhure jeghens den gasthuusmeesters van haerlem een erue dat gheleghen is vp die oude grafte bi den nuwen gasthuze twischen matte boeters an beiden ziden streckende van der strate afterwaerds an die oude grafte also als ziit hem daer bewiist ende bitekent hebben om viiftich scellinghen hollants payments siaers in rechten poertrechte jaerliix te betalen tot bamisse Ende dit is ghesciet bi wille ende consente der rade der stede
</main>
<end>
in oirconde desen brieue bezeghelt met onsen zeghelen jnt jaer ons heren mccc drie ende tseuentich des maendaechs na sinte mauricius dach
</end>