Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1378_2

<begin>
Wi willaem van rolland ende claes jan iacops soens soen scepene in haerlem oirconden
</begin>
<main>
dat voer ons quamen die gasthuus meesters van haerlem bi wille ende consente der Rade der stede van haerlem ende ghelieden dat si verhuert hebben tot erfhure van des nuwes gasthuus weghen te haerlem jan coelmans soen Een hofstede drie roeden lanc ende anderhalue roede briet doergaens die gheleghen is ant westend van des ouds gasthuus kerchof an die zuudzide van der steghe twisschen des gasthuus erue andie ene zide ende des gasthuus kerchof an die ander zide Om twee ende twintich scellinghe hollants payment siaers in rechten poirtrechte jairlix te betalen tot bamisse Ende hebbe se hem vans gasthuus weghen met der voerseider hure gheloeft te waren als si sculdich ziin te doen
</main>
<end>
jn oirconde desen brieue bezeghelt met onsen zeghelen jnt jair ons heren mccc achte ende tseuentich swoensdaechs na sinte ambrosius dach
</end>