Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1378_3

<begin>
Wi willaem van rollant ende claes jan iacops zoens zoen scepene in haerlem oirconden
</begin>
<main>
dat voer ons quam jan coelmans soen ende verliede dat hi ghehuert heeft tot erfhure jeghens den gasthuus meesters van haerlem van des nuwes gasthuus weghen aldaer Een hofstede die gheleghen is ant westend van des ouds gasthuus kerchof drie roeden lanc ende anderhalue roede briet doergans andie zuudzide van der steghe twisschen des gasthuus erue an die ene zide ende des gasthuus kerchof an die ander zide Om twee ende twintich scellinghe hollants payment siaers in rechten poirtrechte jairlix te betalen tot bamisse
</main>
<end>
In oirconde desen brieue bezeghelt met onsen zeghelen jnt jair ons heren mccc achte ende tseuentich swoensdaghes na sinte ambrosius dach
</end>