Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1379_1

<begin>
Wi symon vander scure ende claes jan iacops zoens soen scepene in hairlem orconden
</begin>
<main>
dat voer ons quam gheriit heyken zoen ende op gaf tot enen vryen eyghen den heilighen gheest ende den nuwen gasthuse tote haerlem die husinghe met den erue die claes heiken zoens plach te wesen legghende ende staende in poezelaers steghe twisken jan zibrants zoen ende jan heinen zoen op die ene zide ende jacop meynsen zoen an die ander zide met al sulker hure als daer op staet ende in allen scine alset gheriit heyken zoen zelue hadde dat is te verstaen dat se jan westualinc ende zoete ziin wiif hebben zullen also langhe als si beide of hoerre enich leeft die bruuc weer daer of ende die hure dier op staet jaerlix wtreyken ende betalen ende die husinghe in goeder reke houden tot hoerre doet toe besceydeliken als daer toe behoort
</main>
<end>
jn oirconde desen brieue bezeghelt met onsen zeghelen int jaer ons heren mccc neghen ende tseuentich op sinte victors auont
</end>