Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1380_1

<begin>
Wj Aernt jan ende jan van scoten scepene in haerlem oirconden
</begin>
<main>
dat voer ons quam gherijt houelinc ende gheliede dat claes van den zande wtgheleit heeft hondert ende ene endetsestich ouder scilde an zulken goede als houelinc voirscreuen nv ter tyt gheladen heft in rechter veynootscap daer hi hem of ghelyt die helft sculdich te wezen voert heft houelinc voirscreuen gheloeft claes voirnoemt dat hi tgoet voirscreuen niet vercopen noch vervreemden en zel ten si bi claes voirscreuen jof bi des ghenen wille dient claes voirscreuen beuelen zel Ende so wes vanden goede voirscreuen vercoft worde het si cleine of grote daer zel claes voirscreuen heffer of wezen jof die ghene die hyt beveelt also langhe want claes voirscreuen siin hooftghelt vol ende al in heft Ende wes daer bouen comt dat zullen zi beide halue ende half dielen
</main>
<end>
jn oirconde desen brieue bizeghelt met onzen zeghelen int iaer ons heren mccc ende tachtich vp sente elizabetten dach
</end>