Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1380_2

<begin>
Wi hobbe hone ende Eueraert van dyemen scepene in haerlem oerconden
</begin>
<main>
dat voer ons quam wouter vander dune ende gheliede dat hi vercoft heeft gheriit heiken zone twaalf penninghe goeds ghelts siaers in rechten poertrechte op Jacop alstinx zoens helfte van dien haluen huse met den erue dat Ermegaert wouter pelgrims zoens dochter ende jacop voerscreuen ghemeen hebben legghende ende staende jeghens der veerstrate twisschen jacop alstinx zoen ende Ermegaert voernoemt an die ene zide ende lisebet wolfaerts met der ander helfte van den voerscreuen huse ende erue an die ander zide jaerlix te betalen tot bamisse Ende verliede al betaelt den lesten penninc metten eersten ende heeft se hem gheloeft te waren als men vrye renten binnen der vryhede van haerlem sculdich es te waren
</main>
<end>
In oerconde desen brieue bezeghelt met onsen zeghelen jnt jaer ons heren mccc ende tachtich smaendaghes na onser vrouwen dach conceptio
</end>