Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1383_1

<begin>
Wj Gheriid andriens zoen ende gheriid baec scepene in haerlem oirconden
</begin>
<main>
dat voir ons quam aechte william zwaluaerts dochter met zibrant lieneken zoens hant haers mombaers Ende up gaf ende qwijt scout wouter van bekesteyne alle lant dat si ghecoft heeft jeghens jzebrant van spaerne woude dat fye lambrecht pawen wedue den voirghenoemden jzebrant op ghegheuen ende vercoft heeft waert gheleghen si Ende verliede al betaelt den lesten penning metten eersten
</main>
<end>
In oirconde desen brieue bezeghelt met onsen zeghelen jnt jair ons heren mccc drie ende tachtich tsaterdachs na sinte katrinen dach
</end>