Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1385_1

<begin>
Wj dirc van Raephorst ende hughe van Riedwijc scepene in haerlem oirconden
</begin>
<main>
dat voor ons quam gheriit heren gheriits soen die zagher ende op gaf tot enen vryen eyghen puerliken omme gode in rechter aelmissen den heilighengeest ende den nuwen gasthuse tote haerlem ziin helfte van zinen hielen huse metten erue legghende ende staende twisken den kerchoue van den ouden gasthuse op die een zide ende symon pieters soen an die ander zide afterwaerts streckende an den huse dat heer wouter louwe nv bezeten heeft behouden katerinen zinen wiue die ander helfte van den helen huse met den erue vorscreuen daer ieghens voort so zal kateriin dit voorseide hiele huus metten erue die bruucweer daer of hebben also langhe als si leeft
</main>
<end>
In orconde desen brieue bezeghelt met onsen zeghelen int jaer ons heren mccc viue ende tachtich tsondaechs na sinte pieters dach ad vincula
</end>