Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1386_1

<begin>
Wj jan van scoten ende hughe van assendelf scepene in haerlem oirconden
</begin>
<main>
dat voer ons quamen jan heinric die coppedrayer van machtelt ziins wijfs weghen ende gheertruut jacobs dochter met heinric koenen soen den ketelboeter haren mombaer ende quite scouden alle recht ende toe segghen dat sii hebben mochten tot den huse metten erue dat claes die wilde weder den gasthuus meesters van haerlem coften legghende ende staende in die clene houtstrate bi sinte Romiin op den hoec
</main>
<end>
In orconde desen brieue bezeghelt met onsen zeghelen int jaer ons heren mccc zesse ende tachtich tsaterdachs na sinte pieters ende sinte pouwels dach apostelen
</end>