Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1388_1

<begin>
Wj baertout van assendelf ende baertout van hoesen scepenen in haerlem oerconden
</begin>
<main>
dat voer ons quam lambrecht ians zoen die snider ende verliede dat baernt scouten zoen behouden heeft viertich scellinghe hollans payment siaers op ziin huus ende op ziin erue dat baernt hem vercoft heeft legghende ende staende in wouters strate van Rollant twisken griete van der beke an die een zide jacop van der piete an die ander zide afterwaerts streckende an alijt van dam der weefster te betalen iairlix tot bamisse Ende dese Renten mach lambrecht oflossenen tot bamisse wanneer hi wil elc pont siaers met vijftien ponden ende metten Renten payments vorscreuen thoeftghelt te zamen metten Renten
</main>
<end>
In oirconde desen brieue bezeghelt met onsen zeghelen jnt iaer ons heren m ccc achte ende tachtich op den zesten dach in maerte
</end>