Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1389_1

<begin>
Wj florens hone ende ysebrant van spaernewoude scepenen in haerlem oirconden
</begin>
<main>
dat voir ons quam dirc mouweriins zoen ende gheliede dat hi vercoft heeft tot enen vryen eyghen den kercmeesters van haerlem ter kerke behoef dat erue ende dat huus datter op stoet legghende ende staende bi den groten kerchoue twisken den erue dat jan claes soens des barbiers was an die een zide ende den erue dat dirc van leyne des backers was an die ander zide afterwaerts streckende an gheriit honen Ende verliede al betaelt den lesten penninc met den eersten Ende heeftet hem gheloeft te waren ter kerke behoef voerscreuen als hi sculdich es te doen met drien ponden ende met zeuen scellinghen siaers in zulken scine alse daer op te hure staen
</main>
<end>
In oirconde desen brieue bezeghelt met onsen zeghelen jnt jair ons heren mccc neghen ende tachtich sdinxdaghes na onser vrouwen dach annunciacio
</end>