Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1389_3

<begin>
Wi jan van scoten ende jan eylaerds soen scepenen in hairlem oirconden
</begin>
<main>
dat voor ons quamen ghisebrecht ende andrees jan walrauens twe zonen ende ghelieden dat si vercoft hebben tot enen vryen eyghen gheriit heiken zoen als een gasthuusmeester tot des nuwes gastshuus behoef twaelf scellinghe goets ghelts siaers zonder waerdeheerscap op hoer huus ende op hoer erue legghende ende staende in die clene houtstrate twisken ian pieters soen van assendelf an die een zide willaem Rodetiaen den snider an die ander zide ende verlieden al betaelt den lesten penninc metten eersten ende hebben se hem tots gastshuus vorscreuen gheloeft te waren als si sculdich ziin te doen jairlix te betalen tot bamisse
</main>
<end>
In oirconde desen brieue bezeghelt met onsen zeghelen jnt jaer ons heren mccc neghen ende tachtich svridaechs na sinte katerinen dach
</end>