Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1390_1

<begin>
Wj willaem van adrichem jan honen soen ende claes van der beke scepenen in hairlem orconden
</begin>
<main>
dat voer ons quam joncfrou margriete van [drabbenborch] florens zelanders wedue met jan wouters soens hant haers mombaers ende verliede dat si ghegheuen heeft in rechter aelmissen ende in rechten testament onser vrouwen broeders tote hairlem neghen scellinghe ende vier penninghe hollants payment siaers op jan wiintiaens soens des scoomakers aendeel van dien lande dat hi van joncfrou margrieten voorscreuen heeft in huerwaer ende gheleghen is in den veen an der stede graft twisken den heren van sinte jans an die een zide joncfrou margriete voerscreuen an die ander zide jn manieren dat si jaerlix hier voer haer memory zullen doen ter stede die joncfrou margriete kiest in [hare] kerc ende daghelix daer te graue gaen voer [joncfrouwe] margrieten zyele ende hare vriende jaerlix te heffen ende op te boeren dese renten tot meye
</main>
<end>
jn orconde desen brieue bezeghelt met onsen zeghelen jnt iaer ons heren mccc ende neghentich svridaechs na dertyenden dach
</end>