Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1392_1

<begin>
Wij Symon van gheruliet ende Symon van zaenden gherijts zoen scepene in haerlem oirconden
</begin>
<main>
dat voir ons quam hobbe hone ende gheliede dat hi vercoft heeft tot enen vrien eyghen Clemeynse heynric buren weduwe drie pond ende twalef penninghe hollans payment siaers op twe huse met haren erue legghende ende staende in harpers steghe van foreest an malcander twisken gheertrwd van berghen an die ene zide machtelt florijs an die ander zide afterwaerts streckende an hobbe honen scure Iairlix te betalen tot bamisse ende verliede al betaelt den lesten penninc metten eersten ende heeft ze haer gheloeft te waren als men vrie Renten binnen der vrihede van haerlem sculdich is te waren
</main>
<end>
In oirconde desen brieue bezeghelt met onsen zeghelen int iaer ons heren mccc twe ende tneghentich sdonredaechs na sinte seruaes dach
</end>