Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1392_2

<begin>
Wy Symon van zaenden gherijts zoen ende dirc fyen zoen scepene in haerlem oirconden
</begin>
<main>
Dat voir ons quam Jelijs andries gheyen zoen die snider ende gheliede dat hi ghehuert heeft tot erfhure weder simon van gheruliet een erue sestiendalue Roede voete wijt bider Roede van viertien voeten te meten after ende voir effen wijt Ende ghelegen is in Rodenburgher steghe twisken willaem mathijs zoen an die ene zide Simon van gheruliet an die ander zide afterwaerts streckende an pieter van zaenden om enen dordrechtschen gulden siaers in Rechten poertrechte die nv ter tijt ghesleghen ende ghemunt is of payment dier waerde Jaerlix te betalen tot bamisse
</main>
<end>
Jn oirconde desen brieue bezeghelt met onsen seghelen int iaer ons heren mccc twe ende tneghentich op Onser vrouwen auont natiutas
</end>