Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1400_1

<begin>
Wj ysebrant van sparenwoude ende Jan van spaernwoude Scepene jn haerlem oirconden
</begin>
<main>
dat voir ons quam her hughe wouters zoen priester ende coes bartout van assendelf tot enen mede mombaer mit hem te wesen voir ghiisbrecht jans zoen daer god die ziel of hebben moet vanden huse metten erve dat wonnen symon galen weduwe plach te wesen Ende gheleghen is in dirc gheret zoens steghe twisschen fye jan piils zoens dochter an die ene zide die husinghe mitten erve daer her willem jans soen ende her philips aernts soen priesters mombaers of siin an die ander zide after waerts streckende an die husinghe mitten erve die symon van zaenden gherets soens plach te wesen In allen sciin ende In allre manieren als die scepen brief inhout die daer of is roerende vanden huse voernoemt
</main>
<end>
In oirconde desen brief bezeghelt mit onsen zeghelen Jnt Jaer ons heren dusentvierhondert op sinte ambrosius dach
</end>