Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1403_1

<begin>
Wii claes houe ende willem daenen soen van Riedwiic scepenen in haerLem Oirconden
</begin>
<main>
dat voir ons quam Ouktgaer lubbrants soen Ende vp gaf tot enen vryen eyghen den gasthws meesters tot haerlem tot des gasthws behoef Een half hws metten haluen erue onder diel legghende ende staende In poeselaers steghe twisken claes baninc an die ene zide gheertrwt claes pieters soens dochter an dander zide afterwaerts streckende an gheriit claes soen Ende verliede al betaelt den lesten penninc metten eersten Ende heeftet hem tot des gasthws behoef voirscreuen gheloeft te waren als hi sculdich is te doen metter helfte van achte ende viertich hollansche gte siaers in allen [schine] dair vp te huere staen
</main>
<end>
In oirconde desen brieue beseghelt met onsen seghelen int jair ons heren 1400 ende drie tsaterdages na sinte aechten dach
</end>