Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1406_1

<begin>
Wj Jan voechts soen ende gheriits soeli scepenen in haerlem oirconden
</begin>
<main>
dat voir Ons quam gheriit pieter gheriits soens soen Ende gheliede dat hi vercoft heeft tot enen vryen eyghen coman claes vessen soen tot sinte nyclaes ghilden be hoef haer outer mede te verlichten of den pape dair mede te lonen op gheriit pieters soens huus ende erue leggende ende staende an der stede mure twisken claes harmans soen an die een zide wendelmoet myens weduwe an die ander zide twintich scellinge hollans paeyment tsiaers jaerlix te betalen tot bamisse Ende verliede al betaelt den lesten penninc mitten eersten ende heeftet hem gheloeft te waren als men vry renten binnen der vryhede van haerlem sculdich is te waren
</main>
<end>
jn oirconde desen brieue bezeghelt mit Onsen zeghelen jnt jaer Ons heren 1400 ende sesse op sinte agnieten dach
</end>