Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1417_1

<begin>
Wij floriis scoten ende Jacop voechts zoen scepen in hairlem oirconden
</begin>
<main>
dat voir ons quam Claes floriis kerstants zoens zoen ende gheliede dat hi ghehuiert heeft tot erfhure weder die gasthuysmeesters binnen hairlem van sgasthuys weghen aldair twee cameren metten erue legghende ende staende an malcander beziden den nuwen gasthuze twisken mercely pieter meyten weduwe an die westzide Claes floriis zoen voirscreuen an die oystzide afterwairts streckende an die oude grafte Om Enen goeden gouden vrancriiczen crone die voir desen dach ghesleghen ende ghemunt is of payment dat dair goet voir is siairs jairliics te betalen tot bamisse
</main>
<end>
In oirconde desen brieue bezeghelt met onsen zeghelen int jair ons heeren 1400 ende zeuentien sdinxdaechs na sente valentiins daech
</end>