Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1417_2

<begin>
Wy florijs scody ende dirc symon douden soen scepenen in hairlem orconden
</begin>
<main>
dat voir ons quam matheus Jans soen ende geliede dat hi vercoft heeft tot eenen vrien eygen aernt [] iide aelwiins sone twaelf morgen lands die nv ter tijt bruyct bartelmeus mathiis soen ende gelegen siin in Rijswiker broeke Inden ambacht van Rijswijc ende belent hebben mit erue alijt willem pieters soens dochter kinder an die zuytzide de heilige geest die Canezye ende die Costerye an die noertzide Inden seluen camp streckende vander zijdwinde sloet westwaert an die delfsche vaert Ende verliede al betaelt den lesten penninc mitten eersten ende heeftet hem geloeft te waren als men vry lant ende erue schuldich is te waren Inden ambacht daert in gelegen is
</main>
<end>
In orconde desen brieue bezegelt mit onsen zegelen int Iaer ons hren 1400 ende zeuenthien op den Iaers auent
</end>