Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1457_1

<begin>
Wij garbrant claes pellegrinus zoens zoen Ende Jan van Adrichem scepenen jn hairlem Oirconden
</begin>
<main>
dat voir ons quam Cornelis Jans zoen die vlaminck ende op gaff tot enen vrijen eygen Jan rembrants zoen een huys mitten erue leggende ende staende jn die scutterdoelstraet twijsken matheeus die barbier andie ene zijde claes coninck andie ander zijde afterwairts streckende an sinte mychiels conuente Ende verliede al betaelt den lesten penninck mitten eersten Ende heefftet him geloofft te waeren als men vrij huysinge ende erue bijnnen der vrijhede van hairlem sculdich is te waeren mit twaleff scellinge goets gelts siairs die dair op te huyer staen jn rechten poortrechte
</main>
<end>
jn Oirconde desen brieue bezegelt mit onsen zegelen jnt jaer ons heren duysent vierhondert zeuen ende vijfftich opten zestienden dach jn Aprille
</end>