Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1462_1

<begin>
Gekuert bij scout scepen ende rade der stede van Hairlem bij goetduncken der meester menichte van denguenen die in den rechte geweest hebben tguent dat hier na volget Gesciet in den jaer XIIIIcLXI opten twintichsten dach in Februario
</begin>
<main>
1. Eerst zoe wie voirtan yement quetste in der kercken off opt kerchove soe dat die kercke off kerchove daer off beslagen worde die sal verbueren sijn lijff ende boven dien sal men van sinen goede die kercke off kerchove weder doen wijden sonder der stede coste
2. Item soe wie voirtan messe trect in arren moede in der kercken off opten kerchove die sal verbueren sijn een hant off twintich jaer den banne
3. Item soe wie voirtan yement onredelike ende dreygelikc woerden gave off lochende in der kercken off opten kerchove off oeck mede van den kerchove loede die sal verbueren tien pont ende twintich dusent steens ende dies an den goeden niet en heeft sal dair voir gebannen wesen twintich jaer uuter stede nae ouder gewoenten
</main>
<end>
</end>