Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1472_1

<begin>
Wij gerijt steffens zoen ende pieter braeuwe Scepenen In hairlem Oirconden
</begin>
<main>
dat voir ons quam willem kerstens zoen ende op gaf tot eenen vrien eygen pieter claes zoen een huys mitten erue leggende ende staende In luytgens steege tuschen meester willem bouwijns zoen an deen zijde die heylige geest an dander ziide afterwaerts streckende an zijbrech aernt pieters zoens weduwe Ende geliede him dair of al voldaen ende wel betaelt Den lesten penninck mitten eersten Ende heeftet him geloeft te waren als men vry huys ende erue binnen der vrijheit van hairlem sculdich is te waren mit twalef scellingen goets gelts siaers Die dair op te huyer staen In rechten poirtrecht
</main>
<end>
In oirconden desen brieue bezegelt mit onsen zegelen Int lair ons heeren duysent vierhondert twee ende tzeuentich opten vijfthienden dach In Januarie
</end>