Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1482_1

<begin>
Wii Jacob engbrechts zoen Ende aerndt heinrixsz Sepenen In hair lem Oirconden
</begin>
<main>
dat voir ons quamen de heylige geest meesteren vanden heyligen geest huyse staende optie croft bii wille ende consent den Raide vander Stede Ende opgauen tot eenen vryen eygen pieter claes zoen een huys mitten erue liggende ende staende Inde Doelstraet tuschen reyer de verwer ande een ziide mathiis claes zoen an de ander ziide afterwairts streckende ande ramen Ende verlieden hunluyden dair off al voldaen ende wel betaelt den lesten penninck mitten eersten Ende hebbent him van sheylige- geesthuys wege ende bii wille ende consent voirscreuen geloeft te waeren alsmen vry huys mitter erue binnen de vriheyt van hairlem sculdich is te waeren mit viiffthien scellingen goets gelts siaers In allen schiine als die dair op te huyer staen
</main>
<end>
In oirconde desen brieue bizegelt mit onsen zegelen Jnt Jair ons heeren duysent vierhondert tween- tachtich opten j zeuenthienden dach In decembrj
</end>