Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1486_2

<begin>
Wij Jacob vander Couster ende Jan gijsbrechts zoen Scepenen Jn haerlem Oir conden
</begin>
<main>
dat voir ons quam huyge hoochstraten als vader ende voecht van gerijt Cornelis ende Symon zijn drie kinderen die hij gewonnen heeft bij aechte gerijt berwouts zoens dochter zijn eere wijf saliger gedachten dair hij bij wille ende Consent van de voirseide kinder naeste magen zoemen die vuyt haire vier vierendelen naest gecrigen conde voir geloefde te waren Ende opgaf tot enen vryen eygen de kerckmeesteren van der prochiekercke binnen deser stede een huys mitten erue zoet lach ende stonde ende de kerckmeesteren nv of gebroken hebben geheten de stuyck tusschen pieter Ripprants zoen ande een zijde aelbrecht van assendelf an dander zijde afterwerts streckende an tkerckhof Ende verliede him dair of al voldaen ende wel betaelt den lesten penninck mitten eersten Ende heeftet him geloeft te waeren alsmen vry huys mitten erue binnen die vriheyt van hairlem sculdich Is te waeren al vry sonder huyer
</main>
<end>
Jn oirconde desen brieue bezegelt mit onsen zegelen Jnt Jaer ons heeren duysent vierhondert zesse ende tachtich vp ten vierthienden dach Jn Julio
</end>