Compilatiecorpus Historisch Nederlands 1.0 (CHN): ambtelijke teksten 1250-1800: haarlem_1512_1

<begin>
</begin>
<main>
Upten XXIIIen dach in Maerte anno XVe ende ellef na den scrijven der stede van Haerlem gekuert bij den schout burgermeesteren scepenen raedt ende bij goetduncken van der meester tnenichte dergeenre die in den gerechte geweest hebben
1. Dat soe wat vrouwe of joncvrouwe die daer neempt eenen vreemden man ende mit hem trect wonen buyten der stadt sal betalen van huere goeden wair die gelegen zijn den thiensten penninck van exuwe
2. Insgelicx poirter of poirtersse die vertrect wonen uuyter stede sal betalen gelijck exuwe bij deselve kuere
3. Soe wat vreemdt man of wijf comt deelen goedt van poirter of poirtersse sal oick betalen van dat hij deelt zulke exuwe als boven bij deselve kuere
4. Een poertersse die huwet an clerck sal gelijck betalen bij deselve kuere
5. Van goedt dat versterft up clerck sal men insgelijcx soe veele nemen bij deselve kuere
6. Soe wat poerter goet geeft of uuyt zijnen handen doet in wat manieren het zij zoe dat uuyt scepenen macht gaet sal betalen als boven bij de kuere voirscreven
</main>
<end>
</end>